Şam-SANA
Wezareta Tenduristîyê ya Sûrîyê, qonaxa duyemîn a kempîna “Damarê Jîyanê”, ji bo encamdana neştergerîyên damara “Fîstula” (Perçeyê damarê ku damara birin û anîna xwînê pev girêdide), bi awayekî bê beramber, ji bo 30 nexweşên şûştina gurçikan, li Nexweşxaneya Neştergerîya Gurçikan a Şamê, bi hevkarîya her du komeleyên “Seda” û “El-Hidaye El-Îslamîye” da destpêkirin.
Rêveberê Nexweşxaneyê, Dr. Ebdilrehman Sîrwan, dîyar kir ku di vê qonaxê de qestere di damarên vegera xwînê de ji bo nexweşan berî amadebûna fîstulayê têne danîn. Wî destnîşan kir ku kesên ku sûdê ji vê kempînê werdigirin ew in ên ku gurçikên wan bi awayekî tam sekinîne û herî hewcedar in, yên ji parêzgehên Sûrîyê yên cuda cuda.
Ji alîyê xwe ve, nûnerên komeleyên hevpar, tekez kirin ku “Fîstula” çareserîya herî baş e ku damarên nexweşan ji dubarekirina bikaranîna qestereyan û tengbûna wan diparêze. Her weha dîyar kir ku ew mesrefa neştergerîyan û dabînkirina amûrên pizîşkî yên giranbiha li xwe digirin, da ku piştgirîya sektora tenduristîyê ya dewletê bikin û barê li ser milê nexweşan sivik bikin.
