Şam-SANA
Rojîgirtina di meha Remezana pîroz de ji bo nexweşên şekir wekî kêşeyeke tenduristîyê tê dîtin, ji ber bandora wê ya rasterast li ser astên şekirê xwînê û metirsîyên wekî daketin an bilindbûna tund a şekir û ziwabûna laş ku dibe bi rojîyê re rû bidin.
Di vê çarçoveyê de, rêvebirê Bernameya Niştimanî ya Şekir li Wezareta Tenduristîyê Dr. Bîlal Hemad, di daxuyanîyekê de ji nûçegihana SANAyê re tekezî li ser pêwîstîya serdana nexweşê şekir bo cem bijîşkê xwe berî destpêkirina rojîyê herî kêm du hefteyan kir.
Nexweşîya şekir têkçûneke metabolîk a kronîk e ku bandorê li şîyana laş dike di hilberandina însulînê de yan jî bikaranîna wê bi awayekî karîger; lewra nexweş dibe ku bi metirsîyên wekî daketin an bilindbûna şekir, ziwabûna laş an têkçûna hevsengîya xwêyan di laş de re rû bi rû bimîne.
