Şam-SANA
Birêveberê Nexweşîyên Veguhêz û Neveguhêz li Wezareta Tenduristîyê Dr. Yasir Ferûh, tekez kir ku xerabîya pakkirina avê û bikaranîna ava vexwarinê ya ne ewle bi awayekî rasterast an nerasterast dibin sedema belavbûna kulbûna kezebê ya vîrusî (vegir).
Ferûh zelal kir ku rewş xirabtir dibe dema ku berhemên çandinîyê bi ava kanalîzasyonê tên avdan, ev yek belavbûna wê leztir dike, wekî ku niha li bajarokê Mehceyê li gundewarê rojhilatê Derayê diqewime.
Navborî ji nûçegihana SANAyê re dîyar kir ku ev nexweşîyeke vîrusî ye û dermankirineke wê ya taybet tune ye, lê belê bi rêya dermankirina piştgir ji bo nexweş tê birêvebirin. Wî bang kir ku pêwîst e mirov pabendî rêkarên xweparastinê bibe da ku rê li ber vegirtinê were girtin, û bikaranîna avê yan amûrên xwarinê bi kesî re parve neke.
Ji alîyê xwe ve, Birêveberê Çandinîyê li Derayê Endazyar Ahid El-Zûbî, dîyar kir ku birêveberî bi hevkarîya encûmenên bajaran û şaredarîyan çavdêrîya gelî û dergehên kanalîzasyonê dike û binpêkirinan dişopîne û qedexe dike. Wî her weha tekez kir ku pêdivî bi zêdekirina kampanyayên hişyarkirin û rênîşandanê heye.
