Heseke-SANA
Rêveberîya Karûbarên Civakî û Kar li Hesekê, duh Sêşemê ragihand ku tomarkirina zarokên xwedî astengîya bihîstinê, ji bo tevlîbûna Navenda Perwerdeya Taybet a xwedîyên astengîya bihîstinê ya girêdayî rêveberîyê, ji îro Çarşemê ve dest pê dike û heta hefteyekê didome.
Rêveberê Karûbarên Civakî û Kar li Hesekê, Ibrahîm Xelef bi daxuyanîyekê, ji SANAyê re zelal kir ku tomarkirin tenê ji bo zarokên xwedî astengîya bihîstinê ye û ji bo keç û kuran e ku temenê wan zêdeyî pênc salan e. Her wiha destnîşan kir ku belgeyên pêwîst ji bo tomarkirinê ev in; wêneyekî deftera malbatê, çar wêneyên kesayetî, wêneyekî karta astengdarîyê. Tomarkirin jî, li avahîya Rêveberîya Karûbarên Civakî û Kar li navenda bajarê Hesekê ye.
Xelef nîșan da ku perwerdeya li navendê bêpere ye û bi çavdêrîya kadroyekî pispor tê birêvebirin. Wekî din jî, dîyar kir ku xwendekarên hatine qebûlkirin çenteyekî dibistanê û qirtasîyeke temam û kamil distînin, ji bilî alîkarîyên din ku komeleyên sivîl pêşkêş dikin û di peydakirina pêdivîyên perwerdeyê yên pêwîst de dibin alîkar.
