Şam-SANA
Hat ragihandin ji bo li Sûrîyê nexweşxane û perwerdehîya di warê bijîşkîyê de pêşve biçe rayedarên Sûrîyeyî xebatên xwe yên di vî warî de didomînin. Hat hînbûn di vê çarçoveyê de Wezareta Tenduristiyê ya Sûriyê bi rayedarên Japonî re hevdîtin kirin.
Li gorî agahîyên ku hatine bidestixistin Wezîrê Tenduristiyê Musab El-Elî îro bi Akihiro Tsujiyê Karmendê Karûbarên Japonî re li Şamê, li wezaretê civînek li dar xist. Di civîna ku hat kirin de Wezîrê Tenduristiyê Musab El-Elî perspektîfên hevkariya hevbeş ên di sektora tenduristiyê de û rêbazên pêşxistina wê gotûbêj kir.
Hat ragihandin Wezîr El-Elî balan kişand li ser girîngiya zêdekirina gihîştina wekhev û berfireh a xizmetên tenduristiyê û pêwîstiya nûjenkirina nexweşxaneyên zirardar bi tevahî an qismî ji bo kêmkirina êşa welatiyan a di wergirtina dermankirinê de bêyî ku neçar bimînin ku rêwîtiyên dûr bikin, yek bi yek nirxand.
Wezîr El-Elî di civîna ku hat kirin de her wisa rave kir ku Wezaret ji bilî bicihanîna veguherîna dîjîtal di xizmetên bijîşkî de, ji bo dabînkirina dermanan û şerê li dijî nexweşiyan dixebite. Wî her wisa bi gotinên xwe dîqqet kişandin li ser ser pirsgirêkên ku sektora tenduristiyê pê re rû bi rû ye, bi taybetî kêmbûna hin dermanên taybetî, wekî dermanên penceşêrê û anesteziyê, û her weha nebûna alavên bijîşkî yên stratejîk.
Wezîr destnîşan kir ew di warê hevkariya di warê perwerdehiya bijîşkî ya bi Japonya re de amade e û got ku ew dixwazin tecrubeyên Japonyayê yên di vî warî de hîn bibin û ew ê ji bo ev tecrube bên neqilkirin li Sûrîyê dê mîsyoyanan tehsîs bikin û ji bo destek ji çavkanîyên însanan re bê dayîn ew ê bernameyên perwerdehîyê tertîp bikin.
Akihiro Tsujiyê Karmendê Karûbarên Japonî jî di hevdîtinê de piştgiriya welatê xwe ji bo hewldanên hikûmeta Sûriyeyê nîşan da, û destnîşan kir ku Japonya bi rêya rêxistinên navneteweyî di warên xwarin, perwerde, tenduristî û paqijiyê de alîkariya mirovî ya berfireh peyda kiriye.
Tsuji her wisa got ku welatê wî pabend e ku piştgiriyê bide gelê Sûriyeyê, û destnîşan kir ku sektora tenduristiyê pêşanîyek taybetî ye, û gavên ji bo nûjenkirina Nexweşxaneya Humusê ya Mezin di rê de ne.
Hat hînbûn di civînê de Rêvebirê Plankirin û Hevkariya Navneteweyî Zuhair El-Qarat û hejmarek îdarevan jî hebûn.
