SANA – Taybet
Di bûyereke dilsoj de ku bû sedema şokê, alîyên peywendîdar li bajarê Efrînê yê gundewarê Helebê yê bakur, îro cenazeyê zarokê bi navê “Ehmed Elî Hîlal” ku di hundirê avahîyeke di qonaxa avakirinê de hatibû kuştin, dîtin.
Li gorî agahîyên meydanî, şopên xeniqandinê yên eşkere li ser termê zarok hatine dîtin, ev jî piştî derbasbûna 24 saetan li ser windabûna wî di mercên nepenî de ji devera Minbicê.
Piştî dîtina cenazeyê, hêzên ewlekarîyê dorpêçeke tund li derdora cihê bûyerê danîn, û tîmên şopandina tawankarîyê û alîyên têkildar dest bi lêpirsîn û komkirina belgeyan kirin ji bo naskirina hûrgilîyên sûcê hovane û şopandina tawanbarên ku tê de beşdar bûne da ku radestî dadwerîyê werin kirin.
