Şam-SANA
Wezareta Hundirîn ya Sûrîyê, tekez kir ku derbirîna ramanê bi awayê aştîyane mafekî parastî ye bo tevahîya pêkhateyên gelê Sûrîyê, û bal kişand ser rênimayên ku ji bo endamên ewlekarîyê hatine dayîn ji bo xwepêşandanên nerazîbûnê biparêzin.
Wezaretê di daxuyanîyekê de got: “Endamên ewlekarîyê yên ku ji bo parastina xwepêşandanên nerazîbûnê hatibûn erkdarkirin, îro li bajarê Laziqîyê rûbirûyî êrîşên rasterast hatin. Her wiha li gundewarê Tartûsê jî, komên girêdayî paşmayîyên rejîma rûxandî êrîşî hêzên ewlekarîyê kirin.”
Wezareta Hundirîn dîyar kir ku hinek kiryar ji çarçoveya xwe ya aştîyane derketin, û bû sedema êrîşkirina ser endamên ewlekarîyê, û li gor qanûnê êrîşkirina ser endamên ewlekarîyê tawan e ku xwedîyê wê tê cezadan, û kesê destê wî di vê yekê de heye dê were şopandin û tedbîrên qanûnî yên pêwîst li dijî wî werin cîbicîkirin.
