Heleb-SANA
Hêzên Ewlehîya Navxweyî li parêzgeha Helebê ragihand ku wan sûcdarên her du tawanên kuştinê ku hefteya borî li her du deverên Bistan El-Qesir û Cisir El-Hec yên li bajarê Helebê çêbûne, girtin û amûrên her du tawanan jî desteser dikin.
Duh Çarşemê, Serokê Beşê El-Kelase ya Hêzên Ewlehîya Navxweyî li Helebê Muqedem Hesen Xelîl, bi daxuyanîyekê ji SANAyê re dîyar kir ku tawana yekem li devera Bistan El-Qesir rû daye û endamên beşê karîbû kujer destnîşan bikin û di maweya çar saetan de bigirin, her wiha amûra tawanê û hin tiştên ku ji mala qurbanîyê dizîbûn, desteser bikin.
Xelîl axaftina xwe berdewam kir û got: “Tawana duyem jî li devera Cisir El-Hec rû daye. Wî da dîyakirin ku piştî wergirtina agahdarîyekê derbarê hebûna termekî li derdora xeta trênê, endamên wan ber bi wî cihî ve çûn û rêkarên lêkolînê dan destpêkirin. Li gor Xelîl, gumana wan bêhtir li ser hevalekî kesê qurbanî sînordar bû, ku pêwendîyeke wan a bazirganîya madeyên qedexekirî pev re hebû. Her wiha anî ziman ku kêmtirî 24 saetan kujer hat girtin û demançeya tawanê hat desteserkirin. Her li wî cihî, telefona kesî kuştî jî li devera El-Salihîn hat dîtin.
Dawîyê jî, Xelîl zelal kir ku ji bo temamkirina lêkolînan û rêkarên qanûnî yên pêwîst her du kesên girtî radestî alîyên pêwendîdar hatin kirin.
