Idlib – SANA
Wezareta Parastinê duh Çarşemê danê êvarê ji Nexweşxaneya Niştimanî ya Idlibê, cenazeyên şehîdên xwe yên ku di teqîna cebilxaneya demkî ya çek û şûnmayên şer li nêzî bajarê Sermedayê li bakurê Idlibê canê xwe ji dest dabûn, oxir kirin.
Parêzgarê Idlibê Mihemed Ebdilrehman û Wezîrê Çandê Mihemed El-Salih, tevî hejmareke mezin a kesûkarên şehîd û welatîyan beşdarî merasîma oxirkirinê bûn.
Merasîma cenazeyan ji alîyê tîma protokolê ya ser bi Wezareta Parastinê ve di nava amadebûneke fermî û cemawerî de bi rê ve çû; li wir malbat û nas û dostên şehîdan xatirê xwe yê dawî ji wan xwest berî ku ber bi cihê xwe yê dawî werin spartin.
