Heseke-SANA
Wezîrê Rêveberîya Xwecihî û Jîngehê biryara jimare 41 derxist, ku biryara avakirina Ofîsa Cîbicîkar a Demkî ya Encumena Parêzgeha Hesekê li xwe digire, da ku erkên xwe li stûyê xwe bigire heta ku hilbijartinên nû tên lidarxistin.
Li gorî tiştê ku Rêveberîya Ragihandinê ya Hesekê îro Yekşemê li ser kanala xwe ya Telegramê veguhastiye, biryarê dîyar kir ku Ehmed Silêman Mensûr wekî cîgirê serokê Ofîsa Cîbicîkar, û her yek ji: Newar Mehmûd Sebrî, Nûh Helîl Hisên, Xalid Ebdulhemîd Îbrahîm, Cewad Ebdurrehman Ubêd, Ehmed Şêxmûs Xidir, Ednan Îsmaîl Ced’an, Vîvîan Munîr Beho Osê, Merwan Hisên Hesen, û Ebdurrrehîm Elî El-Mehmûd wekî endamên wê hatine destnîşankirin.
Biryarê destnîşan kir ku Ofîsa Cîbicîkar a Demkî dê desthilat û taybetmendîyên Encumena Parêzgehê û ofîsa wê ya cîbicîkar ku di yasa û pergalên berkar de hatine dîyarkirin bi kar bîne, nexasim Qanûna Rêveberîya Xwecihî ya ku bi Mersûma Zagonsaz a jimare 107 a sala 2011an û guhertinên wê derketiye, ew jî heta ku hilbijartinên tên lidarxistin.
