Idlib-SANA
Rêveberîya Karûbarên Civakî û Kar li Idlibê, bi hevkarîya Komeleya “Bereke- El-Xeyrîye”, 400 sepetên xwarinê li ser malbatên gundên El-Yeʼqûbîye, El-Qeneye, El-Cedîde û El-Xesanîye, yên li gundewarê rojavayê Idlibê belav kirin.
Ev destpêşxerîya mirovî, malbatên herî hewcedar û yên ku piştî salên koçberîyê vegerîyane gundên xwe armanc girtin, da ku barê wan ê aborî sivik bike û aramîya wan misoger bike. Rêvebira Karûbarên Civakî, Ehlam El-Reşîd, dîyar kir ku ev alîkarî peyameke hezkirinê ye ji bo birayên Xiristîyan yên li van gundan, û hevgirtina pêkhateyên civaka Sûrîyê tekez dike, û piştrast kir ku ev destpêşxerî dê li deverên herî hewcedar berdewam bin.
Ji alîyê xwe ve, Xalid El-Cidêʼ, Serokê Şaxa Karûbarên Civakî li Dergûşê, destnîşan kir ku ew hewl didin bi şêweyekî berfireh piştgirîya hemû malbatên li herêmê, di warên hawarçûnê û derûnî de bikin, bi taybetî yên ku nû vegerîyane, û alîkarîya wan ji bo aramkrina jîyana wan bikin. Ji alîyê xwe ve, şênîyên vegerîyayî kêfxweşîya xwe bi vegerê anîn ziman, û hêvî kirin ku piştgirî berdewam be da ku karibin ji nû ve tevlî civakê bibin, di dema ku hewldanên kêmkirina bandora şer û piştgirîya civaka xwecihî berdewam in.
