Şam-SANA
Wezîrê Rewşên Awarte Raid El-Salih bang li şênîyên li ser peravên çemê Firatê yên li Heleb, Reqa û Dêrezorê kir ku hişyar û baldar bin. Ev yek li pey nîşaneyên ji alîyê beşa hişyarkirina zû û sazîya Bendava Firatê de hat, ji bo bilindbûna asta çem ku dibe di dema bê de ji du metreyan derbas bibe.
El-Salih îro Duşemê li ser platforma “X”ê tekez kir ku asta amadebaşîya tîmên Parastina Sivîl a Sûrîyê ji bo bersivdanê hatiye bilindkirin. Wezaret dê di hinartina agahîyên nû de ji bo welatîyan bi rêya sîstema hişyarkirinê berdewam bike, û bang kir ku pişta xwe bi jêderên pêbawer girêbidin ji bo parastina xelkê û milkên wan ku pêşîneyeke herî li pêş e ji bo wezaretê, û wezîr hêvî kir ku xelk papendî rênimayên xweparastinê bin.
Ev hişyarî piştî zêdekirina herikîna ava Bendava Firatê bo 1500 metrekab di çirkeyê de tên. Li wir Wezareta Enerjîyê sê dergehên avrêjê li bendavê vekirin ji ber bilindbûna mezin a ava ku tê, di pêngavekê de ku wekî cara ewil tê dîtin ji berî zêdetirî sih salan ve.
