Hims – SANA
Wezîrê Dadê, Mezher El-Weys, avahîya Komelgeha Dadwerî ya nû li bajarê Restenê yê li gundewarê bakurê Himsê piştî nûjenkirin û çaksazkirina wê vekir. Ev proje berhema hevkarîya hevbeş a di navbera Wezareta Dadê, Rêveberîya Parêzgeha Himsê û ya Navçeyê de ye, û lêçûna nûjenkirinê gihîşt zêdetirî 40 hezar dolarî ku bi rêya fînansekirina rasterast ji hêla civaka xwecihî ve, bi lidarxistina kampanyeke bexşînê, hat dabînkirin.
Armanca vekirina Komelgehê ew e ku xizmetguzarîyên dadwerî û hiqûqî yên bingehîn pêşkêşî welatîyan bike, û barê wan ê darayî û yê çûn û hatinê sivik bike. Wezîr El-Weys destnîşan kir ku avahî bi nasnameyeke dîtberî ya nûjen û rêkarên rêxistinî yên ku kar hêsan dikin û serwerîya qanûnê xurt dikin, hatiye amadekirin.
Ji alîyê xwe ve, Rêveberê Navçeya Restenê Îbrahîm Merdûd, dîyar kir ku Komelgeh xizmeta zêdetirî 250 hezar kesî li Restenê û gundên derdorê dike, û bargiranîya çûna wan a dadgehên bajarê Himsê, kêm dike.
Her wiha Serokê Dozgerîya Giştî, Dadwer Ebdulmunʼim El-Hesen, bal kişand ser girîngîya vê avahîya nû di hêsankirina serlêdanan û misogerkirina wekhevîya di bin sîwana qanûnê de. Di merasîma vekirinê de, Parêzgarê Himsê Murhef El-Neʼsan û hejmareke mezin a dadwer, berpirs û kesayetên civaka xwecihî amade bûn.
