Idlib – SANA
Parêzgeha Idlibê, li bajarê Kefrinbilê, bi helkefta jinûve-vekirina 50 dibistanên ku bi piştgirîya kampanya “Wefadarîya bo Idlibê” hatibûn nûjenkirin, ahengek li dar xist. Çalakî bi amadebûna Wezîrê Rewşên Awarte Raid El-Salih û Parêzgerê Idlibê Mihemed Ebdulrehman pêk hat. Wek beşekî ji wê çalakîyê jî, serdana Dibistana Amadeyî ya “Zî Qar” a kevnar a li Kefrinbilê hat kirin ji bo şopandina rewşa amadebûna wê piştî derketina wê ya bi salan ji xizmetê.
Ehmed El-Helebî, rêveberê Dezgeha “Rehme Hewle El-Alem”, dîyar kir ku nûjenkirina dibistanê amadekirina 21 polên xwendinê, laboratuwar, odeya rêveberîyê, hewş û baxçeyeke ku guhdaneke baş pê bûye li xwe girtiye, ji bo di sala bê de pêşwazîya xwendekaran bike.
Ji alîyê xwe ve, xelkê herêmê vegera dibistanan ku aramîya perwerdeya zarokên wan piştî salên koçberîyê misoger dike, bilind nirxandin. Di konferanseke rojnamevanîyê de, wezîr û parêzger tekezî li ser giringîya vê projeyê ji bo pêşxistina binesazîya perwerdeyê û xurtkirina aramîyê li parêzgehê kirin.
