Hesekê-SANA
Wezîrê Perwerde û Fêrkirinê yê Sûrîyê Mihemed Ebdulrehman Tirko û Parêzgarê Hesekê Nûredîn Îsa, îro Şemîyê, li bajarê Qamişloyê çavdêrîya hejmarek navendên ezmûnan kirin, û ji nêzîk ve li birêveçûna ezmûnên qonaxa bingehîn, asta amadebaşîya navendan, û dabînkirina pêdivîyên pêwîst ji bo proseya ezmûnan nêrîn.
Wezîr Tirko di daxuyanîyekê de ji bo SANAyê tekez kir ku ev ger di çarçoveya şopandina meydanî ya proseya ezmûnan de li parêzgeha Hesekê tê, û destnîşan kir ku hewldanên hevbeş ên di navbera parêzgeh, Rêveberîya Perwerdeyê û Wezareta Hundir de, tevî kêşe û astengîyên heyî, beşdarî birêxistina ezmûnan bûne.
Tirko dîyar kir ku li herêmên rojhilat nêzîkî 2350 dibistan ji nû ve hatine vekirin, û 38 hezar mamoste vegerîyane dibistanan, her wiha plana wezaretê di heyama bê de perwerdekirina mamosteyan û amadekirina dibistanan li xwe digire, da ku destpêkirineke bihêz ji bo sala xwendinê ya nû were misogerkirin. Navborî her weha got ku vegera bi sed hezaran xwendekaran bo ser maseyên xwendinê, nîşaneyeke girîng e li ser vegerandina proseya perwerdeyê û aramîya wê ya hêdî hêdî.
Ji alîyê xwe ve, Parêzgarê Hesekê Nûredîn Ehmed tekez kir ku ezmûn bi hêsanî bi rê ve çûn, tevî şert û mercên xizmetguzarîyê yên dijwar û kêmasîya hinek kelûpelên bingehîn, û pesnê hewldanên kadroyên perwerde û îdarî da yên ku ji bo serkeftina proseya ezmûnan li parêzgehê xebitîn.
Ji hêla xwe ve, Cîgirê Parêzgarê Hesekê Ehmed El-Hîlalî zelal kir ku hejmara navendên ezmûnan ji heft navendên berê gihîştiye zêdetirî şêst navendan, ku ev yek di derbaskirina beşeke mezin ya astengîyên ku rûbirûyî xwendekaran dibûn, bû alîkar.
