Hema-SANA
Fermandarê Ewlekarîya Hundirîn li parêzgeha Hemayê, Emîd Mulhem El-Şentût, hûrgilîyên tawana ku li taxa El-Beyyad pêk hatiye ku tê de pênc welatîyan jîyana xwe ji dest da, ronî kirin.
Daneyên destpêkê yên ji lêkolînan hatine bidestxistin, dîyar dikin ku nakokîyên malbatî yên berê hebûne, ligel gumanên ku tawanbar (bav) di dema dawî de di bin fişarên derûnî de bûye. El-Şentût tekez kir ku ev zanyarî hêj di çarçoveya lêkolîna dadwerî de têne piştrastkirin.
El-Şentût bal kişand ser wê yekê ku delîlên li qada rûdana tawanê nîşan didin ku di tawanê de çeka kalaşnîkov hatiye bikaranîn, û tawanbar qurbanî ji nêz ve gulebaran kirine, her wiha şûna barûdê li ser destên wî hatine dîtin. Analîza pizîşkîya dadwerî, dîyar dike ku gule ji heman çeka hatî bikaranîn in.
Dîmenên kamerayên çavdêrîyê dîyar dikin ku tawanbar berîya gulebaranê çek ji odeyeke nêzîk anîye.
Fermandar tekez kir ku lêkolîn ji bo eşkerekirina tevaya hûrgilîyan berdewam in, û sersaxî ji malbatên qurbanîyan re xwest, her wiha daxwaza piştgirîya derûnî û bilindkirina asta hişmendîya civakê kir, da ku rê li ber rûdanên biêş û jan ên bi vî rengî were girtin.
