Reqa-SANA
Du jinan jîyana xwe ji dest da û çar kesên din ku di nav wan de du zarok hene, birîndar bûn di encama bûyereke trafîkê de ku berbanga îro Çarşemê li ser rêya Esrîya li gundewarê rojavayê parêzgeha Reqayê pêk hat.
Rêveberîya Rewşên Awarte û Birêvebirina Karesatan li parêzgeha Reqayê di kanala xwe ya Telegramê de ragihand ku tîmên Parastina Sivîl a Sûrîyê yekser piştî wergirtina agahîyê bersiv dan bûyerê, birîndar rakirin Nexweşxaneya Niştimanî ya Tebqayê û her du cenazeyên qurbanîyan jî veguhastin nexweşxaneyê.
Rêveberîyê dîyar kir ku bûyer ji ber lihevketina otobûseke veguhastina rêwîyan (24 kesî) û barhilgireke dirûnê pêk hat, ku di encamê de du jinan jîyana xwe ji dest da û du mêr û du zarok bi birînên cuda birîndar bûn.
