Dera-SANA
Îro Yekşemê, ciwanek ji xelkê bajarokê Seyda El-Colanê li gundewarê rojavayê Derayê, bi guleyên hêzên Îsraîla dagirker birîndar bû, di dema ku li devera Gelîyê El-Ruqadê li rojavayê parêzgehê şivantîya pêz dikir.
Mihemed Hisên El-Xidir, pismamê kesê birîndar, di daxuyanîyekê de ji peyamnêrê SANAyê re dîyar kir ku xortê bi navê Ela Ehmed El-Xidir (20 salî) dema ku li herêma Gelîyê El-Ruqadê bû rastî gulebaranê hat, ku bû sedema birîndarbûna wî di çeng û ranê wî de. El-Xidir destnîşan jî kir ku ew bo Nexweşxaneya Niştimanî ya Newayê hat veguhestin ji bo alîkarîya pêşîn, berî ku bo Nexweşxaneya Niştimanî ya Derayê bê veguhestin da ku dermankirin û lênêrîna bijîşkî ya pêwîst wergire.
