Hesekê – SANA
Komîteya Bilind a Hilbijartinên Encumena Gel a Sûrîyê biryarek derxist ku lîsteya dawî ya endamên deste-hilbijêran li herêmên hilbijartinê (Hesekê – Dêrik – Qamişlo) li parêzgeha Hesekê li xwe digire.
Komîsyonê îro Çarşemê bi rêya kanala xwe ya Telegramê dîyar kir ku ev biryar li ser bingeha bendên Danezana Destûrî, bendên Mersûma Hejmar (66) a sala 2025an û bendên Mersûma Hejmar (143) a sala 2025an hatiye girtin.
Komîsyonê bal kişand ser wê yekê ku dema pêşkêşkirina daxwaznameyên berbijêrbûnê ji bo hilbijartina endamên Encumena Gel li herêmên hilbijartinê yên parêzgehê, roja Çarşemê 20.05.2026an hatiye dîyarkirin. Her wiha destnîşan kir ku cihê pêşkêşkirina daxwaznameyan li navenda herêma her daîreya hilbijartinê ye ku wek “cihê karê binkomîteyê ya ku berê hatibû dîyarkirin” e.
Komîteya Bilind a Hilbijartinên Encumena Gel a Sûrîyê Duşema borî lîsteya destpêkê ya endamên deste-hilbijêran li herêmên hilbijartinê (Hesekê – Dêrik – Qamişlo) li parêzgeha Hesekê, û lîsteya destpêkê ya endamên deste-hilbijêran li herêma hilbijartinê ya Kobanê li parêzgeha Helebê derxistibû.
