Tertûs-SANA
Fermandarîya Ewlehîya Navxweyî, bi hevkarîya ligel Rêveberîya Dijterorê li parêzgeha Tertûsê, kesê bi navê Fîras Ebdilkerîm Hemûd, ê bi nasnavê “El-Xal”, bêbandor kir. Ev yek piştî pevçûneke çekdarî pêka hat ku di encama serdegirtina cihê veşartina wî ya li bajarê Safîtayê yê li gundewarê Tertûsê rû da.
Fermandarîya Ewlehîya Navxweyî îro Yekşemê dîyar kir ku kesê navborî berî sê rojan gule berdabûn endamên ewlehîyê di dema hewldana girtina wî de. Her wiha di operasyona dawî de jî, dîsa dest bi gulebaranê kir û bi hêza ewlehîyê re ya ku bi ser cihê veşartina wî de girt ket pevçûnê; ev yek bû sedem ku bersiva wî bê dayîn û were bêbandorkirin.
Her wiha destnîşan kir ku tomarên ewlehîyê piştrast dikin ku tawankar di serdema rejîma berê de wekî fermandarê Hêzên Taybet di “Firqeya 25an” de kar kiriye. Piştî şerên rizgarkirinê jî, bi navê rêxistinî yê “Fecir 3” dihat naskirin, ku li şûna tawankar Xîyas Delle serkêşîya komên bermayîyên rejîmê û kesên deryasayî li Peravê dikir.
Li gorî agahîyên ewlehîyê jî, tevlîbûna wî di operasyonên serhildana çekdarî de tê piştrastkirin; baregehên dewletê kiribûn armanc û di encamê de hindek endamên hêzên ewlehîyê û Artêşa Erebî ya Sûrîyê şehîd ketin û hinekên din jî hatin desteserkirin, ku wî bi xwe serpereştîya danûstandina li ser dîlan kiribû. Wekî din jî, hewl dabû komên çekdar ava bike ji bo ku derbeyan li baregehên hikûmetê bidin û sivîlan bikin armanc.
