Zanîngeha Helebê û Kompanyaya “Bakîr A” ya Holding ji bo peymankarîyê, îro Duşemê peymana projeya vezîvirandina kavilên Nexweşxaneya El-Kindî ya Zanîngehî bi amadebûna parêzgarê Helebê û serokê Desteya Veberhênanê îmze kirin. Wê proje karên dabeşkirin û hûrhurkirina kavilan bi rêya teknolojîyên nûjen daku maddeyên avahîsazîyê derxîne û metalan vegerîne; ev wekî pêngaveke stratejîke ku lêçûnên avakirinê kêm bike û rewşa jîngehî baştir bike.
Serokê Zanîngeha Helebê Dr. Osame Re`dûn dîyar kir ku ev peyman qonaxa yekem nîşan dide ji bo zindîkirina nexweşxaneya ku ji alîyê rejîma rûxandî ve hatibû wêrankirin, wekî amadekarîyek ji bo ji nû ve avakirina wê da ku rola xwe ya hînkarî û pizîşkî ji bo xwendekarên fakulteya bijîşkîyê û welatîyên Helebê û parêzgehên cîran pêşkêş bike. Ji alîyê xwe ve nûnerê kompanyayê Yûsif El-Seyid destnîşan kir ku ev proje rê li ber zincîreyek ji projeyên rakirina bermahîyên şer û ji nû ve amadekirina wan xweş dike da ku di pîşesazîya jêrxan û rêyan de werin bikaranîn.
Ev proje pêvajoyeke ceribandinê ya yekem pêk tîne ku alîyên peywendîdar hewl didin di pêşerojê de berfireh bikin da ku cihên din li Helebê bigire nav xwe, di çarçoveya dîtineke ku piştgirîya geşepêdana berdewam bike û derfetên aborî yên nû di warê ji nû ve amadekirin û avakirinê de biafirîne.
