Dera – SANA
Gerên meydanî yên Yekîtîya Cotkarên Derayê li ser zevîyên genim û ceh, encamên erênî û bi hêvî nîşan dan; tevî rewşa keşûhewayê ya heyî û ew bahoza birûskî ya tije teyrok ku di deh rojên dawî yên meha Nîsana borî de hinek zevî dabûn ber xwe.
Serokê Yekîtîya Cotkarên Derayê Fûad El-Herîrî, berhemanîna genim a werza îsal bi 100 hezar tonî û ya ceh jî bi 30 hezar tonî texmîn kir. Wî tekez kir ku îsal hêvî heye tevî astengîyên keşûhewayê, ku ev yek beşdarîyê di pêkanîna xwedebarkirin û ewlehîya xurekê de dike.
Li gorî amara Rêveberîya Çandinîyê, rûberê çandî yê genimê avdayî li Derayê îsal gihîştiye 10584 hektaran, genimê bejî 78059 hektar, û berhema ceh jî 35721 hektar e.
