Tertûs-SANA
Îro Înê, piştî bûyereke xeniqînê li Perava El-Ehlam li bajarê Tertûsê, ciwanekî canê xwe ji dest da û yekî din hat rizgarkirin.
Rêveberê Daîreya Peywendîyên Hikûmî li Rêveberîya Rewşên Awarte û Birêvebirina Karesatan li Tertûsê Mihemed El-Cewher, di daxuyanîyekê de ji bo nûçegihana SANAyê dîyar kir ku tîmên Berevanîya Sivîl a Sûrîyê bersiva agahîyekê dan ku tê de hatibû ragihandin ku du ciwan di dema melevanîyê de li Perava El-Ehlam dixeniqin û tîman demildest berê xwe da cihê bûyerê.
El-Cewher amaje bi wê yekê kir ku hinek sivîlên ku li cihê bûyerê bûn, berîya gihîştina tîmên rizgarkirinê ciwanek rizgar kirin. Di heman demê de, tîman cenazeyê ciwanê ku canê xwe ji dest dabû veguhast Nexweşxaneya Niştimanî ya Tertûsê ji bo temamkirina rêkarên yasayî yên pêwîst.
