Şam-SANA
Bi boneya Roja Cîhanî ya Azadîya Çapemenîyê di 3yê Gulanê de, rojnamegerên Sûrî tekez kirin ku piştî rizgarkirinê di rewşa azadîya çapemenîyê de pêşketineke bingehîn çêbûye; ji ber ku serdema tirsandin û sînorên ku ji alîyê rejîma berê ve hatibûn ferzkirin bi dawî bû, û ev yek bû sedema veguhastina rastîyê bi azadî.
Elî Nayif ji kanala Al-Arabiya û Al-Hadath bal kişand ser bidawîbûna çavdêrîya bi darê zorê û arasteya ber bi şefafîyetê ve, di heman demê de nûçegihana kanala Al-Mamlaka Kerîme El-Se′îd piştrast kir ku serdema yekrengîyê qedîya û ya pirrengîya ramanan dest pê kir. Xalid Ebû El-Mecid ji TRT Arabi jî tekez kir ku ev azadî mîrateya qurbanîdanên rojnamevanên şoreşê ye.
Sûrîyê di sala 2026an de di nîşanderê “Rojnamegerên Bêsînor” de 36 pileyî bilind bû û gihîşt rêza 141emîn, piştî ku sala borî di rêza 177emîn de bû; ev yek li gorî dirûşma Neteweyên Yekbûyî ya îsal “Avakirina cîhaneke ku aştî lê serdest be” pêk hat.
