Gundewarê Şamê-SANA
Di bin dirûşma “Ji bersivdanê ber bi domdarîyê ve.. Hevkarîya ber bi geşepêdana domdar ve”, îro Şemîyê çalakîyên Konferansa Yekem a Başbûnê li bajarê Dûmayê li gundewarê Şamê dest pê kirin.
Di konferansê de nûnerê Sekreterîya Giştî ya Serokomarîyê Nezîr El-Hekîm, Wezîra Kar û Karûbarên Civakî Hind Qebewat, Parêzgerê Gundewarê Şamê Amir El-Şêx, Fermandarê Ewlekarîya Hundirîn li Gundewarê Şamê Emîd Ehmed Hemed El-Delatî û Balyozê Dewleta Behreynê Wehîd Mubarek Seyar amade bûn.
El-Hekîm di gotinekê de tekez kir ku tiştê ku Dûma îro dibîne ne kêlîyeke derbasbûyî ye, lê berhema rêçeke dirêj a qurbanîdan û xebata berdewam e. Navborî destnîşan kir ku qonaxa niha qonaxa avakirineke giştî ye ku li ser bingeha kar, zanist û îradeyê ava dibe.
Di konferansê de, çend mijarên têkildarî mekanîzmayên avakirina hevkarîyên bi bandor hatin gotûbêjkirin, ji nasîn û pevguhertina agahîyan heta cîbicîkirin û nirxandinê, ji bo misogerkirina projeyên domdar û berfireh.
Her wiha şêweyên hevkarîyê yên berdest, çi bi rêya hevkarîyên darayî, teknîkî, şêwirmendî, cîbicîkar an jî stratejîk ên dirêjdem, û her wisa di warên bersivdana lezgîn de hatin nirxandin.
