Hesekê-SANA
Îro Duşemê li parêzgeha Hesekê, proseya wergirtina daxwaznameyên wan Kurdên ku dixwazin nasnameya Sûrîyê wergirin dest pê kir, ev yek di çarçoveya bicihanîna mersûma jimare /13/ a sala 2026an de ye ku ji alîyê Serokê Komarê ve hatiye derxistin.
Rêveberê Karûbarên Sivîl li parêzgeha Hesekê Ezîz El-Mihêmed di daxuyanîyekê de ji nûçegihanê SANAyê re dîyar kir ku ji bo wergirtina daxwaznameyên kesên ku dixwazin nasnameya Sûrîyê wergirin, li deverên cuda yên parêzgehê hejmarek navend hatine vekirin.
Şaxê Rêxistina Heyva Sor a Sûrîyê li parêzgeha Hesekê, bi rêya projeya piştgirîya yasayî, beşdarî proseyê dibe û şêwirên yasayî pêşkêş dike, her wiha rênimayan dide serlêderan ji bo hêsankirina rêkarên yasayî.
Ji alîyekî din ve, Parêzgarê Hesekê Nûredîn Ehmed, duh bi Rêveberê Giştî yê Sazîya Rewşa Sivîl li Sûrîyê Ebdullah Ebdullah re, mekanîzmayên serlêdana Kurdan ji bo wergirtina nasnameyê li gorî mersûma serokatîyê (13), amadekarîyên pêwîst û karê komîteya taybet a bi vî warî gengeşe kirin.
