Şam-SANA
Piştî cîbicîkirina rêkarên Wezareta Rêveberîya Xwecihî yên kêmkirina buhayên sotemenîyê, Parêzgeha Şamê dest bi cîbicîkirina kirêyên nû yên kêm ji bo rêyên veguhastina giştî kir. Omer Qettan, Rêvebirê Veguhestina Rêwîyan, piştrast kir ku komîteya teknîkî lêkolîna xwe ya li ser kirêyên nû temam kir û li gorî dirêjîya rê û lêçûnên xebitandinê, biryara kêmkirinê bi di nav %20 û %30 de da.
Qettan dîyar kir ku hin ajokaran nerazîbûn nîşan dan, ku bû sedema grevekê bo demeke kurt, vê yekê hişt ku Parêzgeh ji nû ve kirêya rêyan binirxîne bi awayê ku hevsengîyek di navbera sivikkirina barê welatîyan û misogerkirina berdewamîya xebitandina otomobîlên veguhastina giştî de hebe.
Qettan weha jî got: “Komîteyeke navendî dê were avakirin da ku li gorî heman pîvanên lêçûna rêyan kirêyên nû yên veguhastina di nav parêzgehan de destnîşan bike.
Her weha tekez kir ku armanc ji kêmkirina kirêyan, rêgirtina li pêşîya kesên dixwazin keysê ji welatîyan bînin û kirê li wan buha bikin, her weha parastina aramîya veguhestina giştî ye.
