Hesekê-SANA
Şaxê Rêxistina Heyva Sor a Erebî ya Sûrî li Hesekê, kon li ser kesên zirardîtî ji ber lehî û şapeyên ku ji ber barîna barana zêde ya vê dawîyê li çend deverên gundewarê Qamişloyê pêk hatibûn, belav kirin.
Serokê Şaxê Rêxistinê Xidir El-Zahir di daxuyanîyekê de ji bo nûçegihanê SANAyê îro Înê dîyar kir ku proseya belavkirinê di çarçoveya bersivdayîna awarte de ye ku şaxê Hesekê pêk tîne, bi armanca kêmkirina azarên şênîyên ku malên wan ji ber şape û lehîyê zirar dîtine.
Bajarê Hesekê û derdora wê di rojên borî de bûn şahidê bilindbûna asta avê ji ber barana zêde, ku ev yek bû sedema bersivdayîneke lezgîn ji hêla alîyên peywendîdar ve ji bo misogerkirina silametîya xelkê û çareserkirina bandorên lehîyê.
