Heleb-SANA
Îro Pêncşemê li Koşka Dadê ya Helebê, rûniştina çarem a darizandina eşkere ya kesên tawanbar bi encamdana binpêkirinan di dema bûyerên Perava Sûrîyê de, bi amadebûna alîyên dadwerî yên peywendîdar hat lidarxistin.
Serokê Dadgeha Tawanan a Leşkerî ya taybet bi bûyerên Peravê, Dadwer Zekerîya El-Bekar di daxuyanîyekê de ji bo nûçegihanê SANAyê dîyar kir ku di rûniştinê de dîmenên vîdyoyî yên têkildarî tawanbaran hatin nîşandan, ligel belgekirina çalakîyên girêdayî gefxwarin, firotina çekan û avakirina komên çekdar.
Ji alîyê xwe ve, nûnerê Dozgerîya Giştî ya Leşkerî li Helebê, Dadwer Usama El-Sebi’ ji SANAyê re tekez kir ku rûniştinê behsa dozên girêdayî bûyerên Peravê yên ku di 6ê Adara 2025an de rû dabûn kir, û destnîşan kir ku belgeyên nû hatine pêşkêşkirin ku tawanên li ser gumanbaran xurttir dikin.
