Laziqîye-SANA
Sindoqa xêrxwazîyê ya herêmî li devera Hefeyê li parêzgeha Laziqîyê, dest bi karên nûjenkirina hejmarek malên ku ji ber topbarana rejîma berê li gundên Çîyayê Kurdan wêran bûbûn kir, piştî ku alîkarî ji hêla çalakvanên civaka xwecihî ve hatin berhevkirin.
Rêveberê devera Hefeyê Yamin El-Şuxrî di daxuyanîyekê de ji bo nûçegihana SANAyê îro Pêncşemê, di dema gera li ser gundên ku karên nûjenkirinê lê têne kirin, dîyar kir ku ev destpêşxerî encama civînên bi hejmarek rûspîyên deverê re hat.
Sindoqa xêrxwazîyê bi hevkarîya di navbera çalakvanên civaka herêmî û rêveberîya devera Hefeyê de hate pêkanîn. Armanca vê sindoqê komkirina alîkarîyan, piştgirîya malbatên zîyandîtî û beşdarbûna di baştirkirina rewşa xizmetguzarî û jîyanê de li gundên Çîyayê Kurdan li bakurê gundewarê Laziqîyê ye.
