Şam-SANA
Êvara meha Remezana pîroz, bazarên Şamê careke din zindî bûn. Camekanên dikanan bi fanos û ristikên ronahîyê şewq didin; ev kevneşopîyeke salane ye, nîşana şahîya hatina meha pîroz e.
Di gerekê de li her du bazarên Hemîdîye û Eşrefîye, firoşkaran dîyar kir ku firotina keresteyên xemlandinê zêde bûye. Her wiha bal kişandin ser pirrengîya kelûpelan û aramîya bihayan li gorî salên borî, piştî ku di demên berê de ji ber zehmetîyên hawirdekirinê bihayên wan bi rêjeyeke mezin bilind bûbûn.
Bazirganan eşkere kir ku ev mal bi piranî ji bazarên Asyayê, bi taybetî ji Çîn û Tirkîyê tên anîn. Lê belê, tevgera aborî ya vî werzî bi tenê di rojên berîya Remezanê de geş dibe û piştî wê sînordar dimîne.
Ji alîyê xwe ve, xerîdaran dan zanîn ku ev xemlandin peyameke şahî û hêvîyê ye û nîşana pabendbûna xelkê Şamê bi adet kevneşopîyên wan e. Ev atmosfer gîyan dide tax û bazaran û wan zindî dike, da ku wekî beşekî resen ji bîrdanka civakî ya meha pîroz bimîne.
