Şam-SANA
Wezareta Perwerde û Hînkirinê ya Sûrîyê, bi awayeke xurt û lezgîn dest bi cîbicîkirina bernameyên amadekirina dibistanên ku zîyan gihaye wan li herêmên ku herî dawî ji bin kontrola rêxistina HSDê hatine derxistin, bi taybetî li parêzgehên Reqa û Dêrezorê kir. Armanc jê ew e ku ev dibistan bi destpêka nîvsala duyemîn re bikevin xizmetê û vegera bi hezarên xwendekaran bo xwendina wan were dabînkirin.
Rêveberê Avahîyên Dibistanan, Mihemed El-Henûn, dîyar kir ku lijneyên wezaretê yên pispor, bi hevrêzkarîya ligel alîyên peywendîdar, lêkolîneke meydanî û nirxandineke giştî bo avahîyên dibistanan pêk anîne. Encaman nîşan dan ku li her du parêzgehan nêzîkî 1000 dibistanî hewceyî çaksazkirinê ye.
El-Henûn da zanîn ku hejmara dibistanên Reqayê 1505 in, 400 ji wan hewceyî çaksazkirinê ne. Her wiha li Dêrezorê 1285 dibistan hene, 600 ji wan hewceyî çaksazkirinê û dabînkirina pêwîstîyan in.
Wezaretê bi rêya planeke giştî tekez kir ku ew li ser nûjenkirina dibistanan, dagirtina valahîya kadroyan, û dabînkirina pirtûk û pêdivîyan dixebitin; ji ber ku perwerde gava herî bingehîn e ji bo vegerandina aramîya civakî piştî salên dirêj ji dûrketina ji xwendinê.
