Heleb- SANA
Tora Sûrî ya Mafên Mirovan (SNHR) kuştina zêdetirî 10 sivîlan û birîndarbûna 35ên din li Helebê li ser destê rêxistina HSDê belge kir, wekî amarên destpêkê ji dema destpêkirina êrîşên wê berî çend rojan.
Rêveberê Torê Fedil Ebdulxenî di daxuyanîyekê de ji SANAyê re duh pêncşemê dîyar kir ku weşandina wêne û kordînatên wan cihan ji hêla Artêşa Erebî ya Sûrîyê ve, ku dê werin armancgirtin û rêxistina HSDê wan wekî xalên destpêkirina operasyonên leşkerî bi kar tîne, gaveke di rêya rast de ye.
Di rapora xwe ya salane ya taybet bi girtina keyfî de, Tora Sûrî 768 dozên girtinê li ser destê HSDê belge kirin, ku di nav wan de 72 zarok û 14 jin hene. Her wiha di meha Kanûna Pêşîn a borî de 43 dozên girtina keyfî ji hêla HSDê ve hatin belgekirin, ku sê zarok di nav wan de bûn.
Raporê amaje pê kir ku dozên girtina keyfî yên ku HSDê pêk anîne ji ber kampanyayên girtinê yên berfireh bûn, ku sivîl armanc dikirin bi armanca birina wan bo kampên leşkerîya neçar (mecbûrî), tevî girtinên din ên ku sivîl ji ber helwestên wan ên piştgirîya hikûmeta Sûrîyê armanc dikirin.
Hikûmeta Sûrîyê tekez dike ku tedbîrên ku ew digire tenê di çarçoveya parastina ewlehîyê de ne, bi pabendbûna tam bi parastina sivîlan, misogerkirina silametîya wan û nehiştina destdirêjîya li ser milk û malên wan.
