Şam – SANA
Fermandarê Ewlekarîya Hundirîn li parêzgeha Îdlibê, Emîd Xesan Bakîr, ragihand ku sûcdar Xalid Cebara hatiye girtin, yê ku destê wî di sûcên giran de li dijî sivîlên parêzgehê heye.
Bakîr destnîşan kir ku Cebara, beşdarî girtin û îşkencekirina hejmarek sivîlan bûye, ku di encamê de hinek ji wan di zindanan de canê xwe ji dest dane, her wiha raporên derewîn amade kirine ku bûne sedema girtina kesên din.
Her wiha dîyar kir ku sûcdar Xalid Cebara beşdarî şerên li bajarokên Kefraya û Fûayê bûye, berî ku piştî rizgarkirina parêzgeha Îdlibê derbasî parêzgehên Hema û Helebê bibe, û çalakîya xwe ya sûcdarîyê heta hilweşîna rêjîma berê berdewam kiriye.
Lê zêde jî kir: Sûcdar radestî alîyên peywendîdar hatiye kirin ji bo temamkirina lêkolînan, da ku radestî dadgeha pispor were kirin û cezayê xwe yê adil li gorî yasayê bistîne.
