Berhemê werzê zeviyên zeytûnan li Idlibê îsal paş ketiye ji encama kêmbûna barana zivistana bûrî, vê yekê hişt ku cotkar neçarî avdaneke pir bibin ji bo qerebokirina wê kêmbûna baranê.
Rêvebirê çandiniyê yê Idlibê, Mustefa Muwehid, di daxwiyaniyekê ji Sanayê re got:″ Ji encama kêbûna avê darên zeytûnan di qonaxa guldanê de pir westiyan, vê yekê nehişt ku bighêjin qonaxa girêkan″, û diyar kir ku zeyta zeytûnên Idlibê ji cûyeyê ″Bikir″ ê pir baş e, ji ber ku bi awayekî xuristî bêyî bikaranîna derman û semadên kîmawî tê berhemdan.
Muwehid diyar kir ku ″ tê pêşbîkirin ku îsal qebareya berhemê zeytûnan bighêje 55 hezar tonî″ û ev yek nîşana lawazbûna werzê îsal e.
Welîd Zirêqa, cotkarekî ji gundewarê Idlibê ye, got ku kêmbûna baranê hişt ku cotkarî neçar bibin ku avdaneke dutaq av bidin, ev yek dê bandorê li qalîtebûna berhem bike, û got ku Rêveberiya Çandiniyê li gor karîna xwe alîkarî bi cotkaran re kir.
Tê zanîn ku zeytûn berhemê sereke yê parêzgeha Idlibê ye, her weha zeyta wê jî bi başbûna xwe navdar e, û berhemê zeytûnan dahata sereke ya xelkên wê deverê ye.
