Hama-SANA
Îro Şemîyê, li gundê El-Sefa yê li devera Xabê ya li gundewarê Hemayê yê rojava, jinekê ji ber hilweşîna banê maleke şeqitî jîyana xwe ji dest da; ew şeqitandina heyî ji encama bombebarana ji alîyê rejîma berê ve li ser gund bû.
Rêveberê Ofîsa Ragihandinê li devera Xabê Ehmed El-Mustefa di daxuyanîyekê de ji nûçegihanê SANAyê re dîyar kir ku piştî banê malê bi ser jinê de hilweşîya, ew yekser ji bo dermankirinê bo Nexweşxaneya Niştimanî ya Siqêlbîyê hat veguhestin.
Ji hêla xwe ve, Rêveberê Nexweşxaneya Niştimanî ya Siqêlbîyê Hesen Ubeyd El-Elûş da zanîn ku dema ew jina 63 salî gihîşt nexweşxaneyê, ji ber birîneke giran a mêjî jîyana xwe ji dest dabû. Her wiha bal kişand ser wê yekê ku rapora bijîşkîya dadwerî nîşan da ku şikandin di qoqê serê wê de hebû.
Ev bûyer ronahîyê dibe ser metirsîyên berdewam ên xanîyên zirardîtî; ewên ku ji ber bombebarana rejîma berê çêbûne, ev yek li gelek gund û bajarokên gundewarê Hemayê bûye sedema wêranî û qelişîna mezin di malan de.
