Lazkîye-SANA
Hat ragihandin di encama operasyona ku li Lazkîyê ji teref hêzên navxweyî ve hat lidarxistin de serkirdeyekî hêzên rejîma berê hat girtin.
Li gorî agahiyên ku hatine bidestxistin hêzên ewlehiya navxweyî yên li parêzgeha Lazkîyê sûcdar Kaptan Munzer Ebas Nasirê ku serokê Milîsên Parastina Neteweyî yên rejîma berê bû, girtin.
Derbarê mijarê de ji teref Wezareta Karên Hundir ve li ser kanala Telegramê daxuyaniyek hate weşandin. Di daxuyaniya ku hat weşandin de Fermandarê Hêzên Ewlekariya Navxweyî yên li parêzgeha Lazkîyê, Tuggeneral Ebdul Ezîz Hilal el-Ehmed got: “Yekîneyên ewlehiya navxweyî yên li Lazkîyê bi hevkariya Şaxa Dijî Terorê ya parêzgehê, operasyonek ewlehiyê ya bi kalîte pêk anîn, ku di encamê vê operasyonê de sûcdar Kaptan Munzer Ebas Nasir, ku ji bajarê Baniyas li gundewarê Tartûsê ye, hate girtin.”
Tuggeneral el-Ehmed di berdewama daxuyaniya xwe de balan kişand li ser hûrgilîyên derheqê kesê hatî girtî û got: “Lêkolînan eşkere kir ku sûcdar fermandarek di Milîsên Parastina Neteweyî de bû, nêzîkî sûcdaran Beşar Telal el-Esed û Wesîm el-Esed bû. Wî di dema şoreşa Sûriyeyê de beşdarî gelek komkujiyan li dijî sivîlên bêçek li çend parêzgehan bûye, û bi rêberên çekdar ên li derveyî welêt re di têkiliyê de bû.”
Di berdewama daxuyaniyê de Tuggeneral El-Ehmed destnîşan kir ku ev operasyon biryardariya hêzên ewlehiyê ya eşkerekirina her kesê ku ewlehî û aramiya neteweyê tehdît dike, şopandina her kesê ku destên wî bi tawanên li dijî gelê me qirêj in û bêyî dudilî an derengmayînê radestî edaletê dike tetîd dike.
