Ofîsa qunsulî ya bi ser Wezareta Derve û Revendê ve li Helebê, ragihand ku wê dest bi sîstemeke pêşketî ji bo pesendkirina belgeyan kiriye, bi riya pêvekirina sîmeke elektronîk, ji bo pêşxistina xizmeta kesên ku serdana wê ofîsê dikin.
Rêvebirê Ofîsa Qunsulî li Helebê Yasir el-Hisên di daxwiyaniyekê ji peyamnêra Sana re, tekez kir ku ew sîm ji aliyê ewlekarî ve pêşketî ne û ti kes nikare kopyên sexte ji wan çêke, ev yek dihêle ku ew belge cihê baweriya dewletan be.
Belgeyên ku tên dan çi ne ?
Hisên diyar kir ku belgeyên xwendinê, bawername û pileyên zanistî, belgeyên yasayî tevlî girêbest û wekaletên fermî her weha belgeyên kesayetî wek yên zewac û jidayikbûnê, tev de li ofîsê tên dan.
Hisên got ku ew derdê pirbûna hejmara kesên ku serdana ofîsê dikin dikşînin, ji ber vegera penberan û destpêkirina dibistan û zanîngehan, her weha got ku ew hewl didin hejmara karmendan zêdetir bikin û avahiyeke firehtir peyda bikin da karibin hejmara mezin a hevwelatiyan pêşwazî bikin.
Nerînên xelkê:
Mihemed Mûsa El-Hemed got ku tevî hejmara mezin û tengbûna cih jî, lê ew pir ji pêşketîbûna kar razî ye û pêşinyaz kir ku karmendekî li derve deynin ji bo derbasbûna xelkê serrast bike.
Ev destpêkirina bikaranîna sîstema elektronî li Helebê, beşek ji karê Wezareta Derve û Revendê ye ji bo bilindkirina asta xizmetên qunsulî li tevaya parêzgehan.
