Heleb-SANA
Rêveberîya Xizmetguzarîya Teknîkî ya Parêzgeha Helebê, bi hevkarîya Koma Xwebexş a “Mulhim”, dest bi pêkanîna qonaxa duyem a nûjenkirina rêbara Heleb-Xazîantabê -ya ku di rêya Ezazê re derbas dibe- kir. Ev qonax jî hem qîrkirin hem jî çakirin û dagirtina çalan bi asfaltê -li gorî pîvanên aramî û ewlehîyê yên sereke- li xwe digire. Ev yek jî ji ber girîngîya vê rêyê tê, ji ber ku ew dergehê Helebê yê ye bo gundewarê bakur û deverên girîng ên wekî Ezazê, Efrîn û El-Ra’îyê, heta dergehê sînorî yê Bab El-Selam, xizmet dike.
Mihemed Elî El-Ezîz, berpirsê rêveberîya yekîneyên îdarî li parêzgehê, rave kir ku armanca van xebatan ew e ku çûnûhatineke ewle misoger bikin û tevgera welatîyan û kelûpelan hêsan bikin. Mehmûd Hesano, nûnerê Koma Xwebexş a “Mulhim”, piştrast kir ku xebata çakirinê li gorî daxwazên niştecihan ji bo kêmkirina qezayên trafîkê hat, her weha destnîşan kir ku ev proje di sê qonaxan re derbas dibe, ku çaverê ye di nava du hefteyan de biçe serî.
Ligel xebatên çakirinê, polîs Farûq Bakur -ê ku endamekî şaxê trafîka Ezazê ye- rave kir ku dewrîyên trafîkê bi berdewamî çavdêrîya tevgera çûnûhatinê dikin da ku pêşî li qezayan bigirin û ligel rayedarên peywendîdar û koma cîbicîkar, bi lez û bez kar bigihînin serî. Hêjayî gotinê ye ku qonaxa yekem a projeyê du hefte berê dest pê kiribû, ku rakirina bermahîyên şerî û paqijkirina kêlekên rêyan di nav xwe de digirt.
