Reqa û Hesekê – SANA
Endamên desteyên hilbijartinê li bajarên Girê Spî yê parêzgeha Reqayê û Serê Kanîyê li parêzgeha Hesekê, îro sibehê dest bi dengdana ji bo hilbijartinên endamên Encumena Gel kirin. Dengdan li hola derîyê sînorî yê Girê Spî û Navenda Kulûtrê ya Serê Kanîyê û baregeha Encumena Gel li Şamê hat kirin.
Peyamnêrê SANAyê ragihand ku endamên desteyên hilbijartinê berê xwe didin navendên dengdanê ji bo ku dengên xwe bidin, piştî ku nasnameyên xwe yên fermî li navendên pejirandî nîşan didin. Paşê, ew kaxezeke hilbijartinê ya bi mohra fermî werdigirin û dikevin odeya dengdana nehênî. Dema ku dengdana wan bi dawî dibe, kaxeza hilbijartinê bi awayekî eşkere dixin sindoqên dengdanê.
Tê zanîn ku hejmara endamên desteya hilbijartinê li Girê Spî digihîje 100 endamî, û ew dê du kesan ji bo endametîya encumenê hilbijêrin, lê hejmara endamên desteya hilbijartinê li Serê Kanîyê 50 kes e û ew dê kesekî tenê ji bo endametêya encumenê hilbijêrin.
Di 5ê vê mehê de, endamên desteyên hilbijartinê li parêzgehên Sûrîyê, ji bilî Siwêda, Reqa û Hesekê, dengên xwe ji bo hilbijartina yekemîn Encumena Gel li Sûrîyê piştî rizgarkirinê dan.
Berdevkê Komîsyona Bilind a Hilbijartinên Encumena Gel a Sûrîyê, Newar Necme, piştrast kir ku kursîyên mayî yên parêzgehên Reqa û Hesekê bi kursîyên parêzgeha Siwêdayê re vala dimînin heta ku şert û mercên ewlekarî û sîyasî yên kêrhatî ji bo lidarxistina hilbijartinên pêşwext peyda bibin.
Vekirina sindoqên dengdanê
Endamên desteyên hilbijartinê li baregeha Encumena Gel a Şamê dengên xwe didin
Endamên desteyên hilbijartinê ji bo hilbijartina endamên encumenê yên devera Girê Spî ya Reqayê, li hola derîyê sînorî yê bajêr dengên xwe didin.
