Laziqîye-SANA
Îro Pêncşemê, Rêveberîya Perwerde û Hînkarîyê li Laziqîyê, 14 dibistan piştî nûjenkirina wan li Çîyayê Kurdan û yê Tirkmenan li gundewarê parêzgehê vekirin.
Ev yek hevdem ligel destpêkirina sala xwendinê ya nû û di çarçoveya hewldanên piştgirîkirina vegera şênîyan bo herêmên wan û dabînkirina jîngeheke perwerdeyê ya guncaw ji bo zarokên wan pêk hat.
Dibistanên ku hatin vekirin, ên perwerdeya bingehîn bi qonaxên wê yên cuda, û dibistaneke ku her du qonaxên perwerdeya bingehîn û amadehî li xwe digire bûn, ku ew jî li bajarok û gundên Selma, Kensya, Şelef, Merc El-Zawîye, Mecdel Kêxya, Eyn El-Qentere, Tirdîn, El-Heddade, Eyn Xezal, El-Marûnîyat, Mizeyin, Zenzef û El-Xedre bûn.
Tê çaverêkirin ku ev dibistanên nûjenkirî pêşwazîyê li zêdetirî 5 hezar xwendekarên keç û kur bikin.
Rêveberê Perwerde û Hînkirinê li Laziqîyê Welîd Kebûle di daxuyanîyekê de ji bo nûçegihanê SANAyê piştrast kir ku nûjenkirina sazîyên perwerdeyê li deverên ku xelk lê vedigerin, pêdivîyeke lezgîn û pêwîst e ji bo hêsankirina vegera şênîyan û xwendekaran bo deverên xwe; her wiha piştrast kir ku perwerde di rêça avakirina dewletê de xwedî pêşgavîyek e.
