Şam-SANA
Îro Duşemê, Wezareta Perwerde û Hînkirinê bi rêya Rêveberîya Geşepêdana Îdarî, daxuyand ku ew dixwaze mamosteyan ji bo hînkirina zimanê Kurdî ji hundirê kadroyê wezaretê yan ji derveyî wê wergire, ji bo kesên ku şert û merc û jêhatîbûnên pêwîst li cem wan hene, li gorî hewcedarîya rastîn.
Wezaretê bi rêya rûpela xwe ya fermî li ser Telegramê eşkere kir ku serlêdan kesên ku bawernameya wan a amadeyî (bekelorya) heye û bi zimanê Kurdî dizanin dema pêwîst be û li gorî hewcedarîyê li xwe digire, ligel kesên ku îcazeya wan a zanîngehê yan bawernameya wan a Peymangeha Amadekirina Mamosteyan heye û zimanê Kurdî bi başî dizanin.
Ezmûnên nivîskî û devkî
Wezareta Perwedeyê da zanîn ku piştrastkirina zanîna zimanê Kurdî dê bi rêya derbaskirina ezmûnên nivîskî û devkî li gorî pîvanên objektîf û yekgirtî pêk were û dê têkilî bi daxwazkarên ku şert û mercên wan guncan in re were danîn da ku ezmûnên pêwîst encam bidin.
Wezaretê bang li kesên ku dixwazin serî lê bidin kir ku agahîyên pêwîst bi hûrgilî dagirin û belgeyên pêwîst bi rêya lînka elektronîk a taybet bişînin:
https://ee.kobotoolbox.org/x/SuGABVce
Hêjayî gotinê ye ku Wezareta Perwerde û Hînkirinê li gorî rêgezên cîbicîkirinê yên taybet bi cîbicîkirina mersûma hejmar 13 ya sala 2026an, ku di 26ê Kanûna Paşîn a borî de derketibû, Rêveberîya Perwerdeyê û Rêveberîya Çavdêrîya Perwerdeyê erkdar kirin ku kadroyên pêwîst ji bo hînkirina zimanê Kurdî ji hundirê kadroyên heyî yan ji derveyî wan, li gorî mercên dîyarkirî, peyda bikin.
