Şam-SANA
Wezareta Çandinîyê ragihand ku amadekarîyên xwe ji bo birêvebirina ezmûnên bawernameya amadeyîya pîşeyî ya çandinî, beyterî û amûrên çandinîyê yên îsal temam kirine, ku roja Yekşema bê, 7ê Hezîranê, dest pê dikin.
Wezaretê di daxuyanîyekê de ku îro Înê li ser kanala xwe ya Telegramê belav kir, zelal kir ku hejmara giştî ya xwendekarên beşdar dibin 856 xwendekar in, ku ji wan 502 di pisporîya çandinîyê de, 331 di beyterîyê de û 23 jî di amûrên çandinîyê de ne.
Wezaretê bal kişand ser veqetandina 21 navendên ezmûnan li parêzgehên cuda, bi awayekî ku wergirtina hemû xwendekaran û dabînkirina atmosfera guncaw ji bo pêkanîna ezmûnan li gorî pergal û rênimayên pejirandî misoger bike.
