Şam-SANA
Wezîrê Perwerdeya Bilind û Lêkolînên Zanistî yê Sûrîyê Merwan El-Helebî piştrast kir ku derçûna polên dawî yên xwendekarên Zanîngeha Helebê ya Azad, qonaxeke dawî ye ji bo perwerdeya akademîk a awarte, ku şîyana pêvajoya perwerdeyê li ser berdewamî û berxwedanê di salên borî de nîşan da.
Wezîr El-Helebî îro Şemîyê di parvekirinekê de li ser hesabê xwe yê Facebookê dîyar kir ku vê ezmûna perwerdeyê beşdarî di parastina berdewamîya perwerdeya zanîngehê de di mercên dijwar de kir, û hembêza xwe bo bi hezaran xwendekarên ku tevî hemû zehmetîyan xwendina xwe berdewam kirin vekir.
Navborî pîrozbahî li derçûyên hemû beşên cuda bi boneya vê serkeftina zanistî kir û tekez kir ku ew nifşekî nîşan didin ku peyama zanistê di mercên herî dijwar de hilgirtine, û beşdarî di çespandina hebûna zanînê de kirine. Her wiha dîyar kir ku ew dê bibin şirîkekî çalak di proseya avakirin û geşepêdanê de û bihêzkirina vejîna zanistî li welêt.
