Şam-SANA
Encumena Erebî ya Taybetmendîyên Tenduristîyê, hevdîtineke zanistî bi rêya vîdyokonferansê organîze kir. Di hevdîtinê de profesorên ji Fakulteya Bijîşkîyê ya Zanîngeha Şamê û nûnerên Desteya Boarda Erebî hatin bal hev, bi armanca piştgirîkirina perwerdekirina xwendekarên Sûrî û amadekirina wan ji bo ezmûnên Boarda Erebî.
Di hevdîtinê de pîvanên kalîtebûn û birêvebirinê û şêwazên nirxandinê, û pêbawerîya encamên akademîk di bernameyên xwendina bilind (master û doktorayê) de, her wiha pîvanên girêdayî ezmûnan hatin gotûbêjkirin.
Gelek akademîsyen û berpirsên ji Zanîngeha Şamê û Boarda Erebî beşdarî vê hevdîtinê bûn. Tê zanîn ku Encumena Erebî ya Taybetmendîyên Tenduristîyê, ku di sala 1978an de li bin sîwana Komkara Erebî hatîye damezirandin û navenda wê li Şamê ye, sazîyeke zanistî ye ku beşdarîyê di pejirandina bernameyên pisporîyê, yekkirina pîvanên perwerdeya bijîşkî, û baştirkirina kalîteya xizmetguzarîyên tenduristîyê li ser asta cîhana Erebî de dike.
