London-SANA
Wezareta Perwerde û Hînkirinê ya Sûrîyê cara yekemîn beşdarî pêşangeha navdewletî ya teknolojîyên perwerdeyê “BETT 2026” bû, ku li Londonê di navbera 21 û 23yê vê mehê de tê lidarxistin.
Cîgirê Wezîrê Perwerdeyê ji bo Karûbarên Perwerdeyê Yûsif Enan, dîyar kir ku armanca vê beşdarîyê dîtina teknolojîyên herî nû yên perwerdeyê û sepanên zîrekîya destkird (AI) ye, da ku sûde ji tecrûbeyên cîhanî yên di warê perwerdeya elektronîk de werbigirin.
Enan bal kişand ser derfeta bikaranîna van ezmûnan ji bo pêşxistina Dibistana Elektronîk a Sûrî, platformên perwerdeyê û kenala YouTube ya perwerdeyê ya çavrêkirî.
Pêşangeh bi beşdarîya wezaretên perwerdeyê, zanîngeh û kompanyayên mezin ên cîhanî, giringîyê dide pevguhertina ezmûn û rêbazên herî serkeftî û dijîtalkirina perwerdeyê. Ev pêşangeh wekî platformeke pêşeng e ji bo nîqaşkirina paşeroja perwerdeyê û teknolojîyên ku piştgirîya wê dikin.
