Şam-SANA
Wezîrê Perwerdeya Bilind û Lêkolînên Zanistî Merwan El-Helebî, ragihand ku profesorên zanîngehê yên ku ji ber helwestên xwe yên neteweyî di dema Şoreşa Sûrîyê de hatibûn derkirin, wê vegerin ser karên xwe. Û tekez kir ku dayîna mafên şarezayên niştimanî mafek e çênabe were derengxistin.
El-Helebî zelal kir ku ev vegerandina endamên desteyên hîndarîyê û yên teknîkî li xwe digire, bi rêya serlêdana wan ji bo wan zanîngehên ku lê dixebitîn, da ku rêkarên îdarî di çarçoveyeke dezgehî ya birêkûpêk de ku maf û rûmeta wan diparêze, temam bikin.
Her wiha wezîr bal kişand ser ku eger derengî çêbibe, profesor dikarin rasterast serî li wezaretê bidin. Ev pêngav ji bo çareserkirina bandorên qonaxa borî tê, ku tê de gelek kadroyên akademîk ên girîng hatibûn derkirin û di encamê de xwendina bilind şarezayên niştimanî yên mezin ji dest dabûn.
