Şam – SANA
Îro, Wezareta Perwerdeyê ya Sûrîyê, Rêbaza Cureya “B” da destpêkirin, ku programeke perwerdeyî ya nerm û kurtkirî ye. Ev rêbaz derfeta duyem dide xwendekaran ku vegerin dibistanê û perwerdeya xwe bi bawerî bidomînin.
Du Salan Dike Salek
Ismet Remezan, Rêveberê Navenda Neteweyî ya Pêşxistina Rêbazên Perwerdeyê di Wezaretê de, di daxuyanîyekê de ji peyamnêra SANAyê re destnîşan kir ku ev rêbaz bi taybetî ji bo xwendekarên ku dev ji dibistanê berdane yan yên di xwendinê de dereng mane, hatiye sazkirin. Ew xwendina du salan dixe di salekê de, rê li pêş xwendekaran vedike ji bo tevlîbûna bêkêşe di nav perwerdeya fermî de bêyî ku hestê derengmayînê pê re çêbibe.
Armancên Rêbaza ʺBʺ
Li gorî Remezan, armancên vê rêbazê ev in:
- Dabînkirina derfetên wekhev ji bo temamkirina xwendinê.
- Temamkirina zanyarîyên kêm bi awayekî bilez û kartêker.
- Xurtkirina xwendekaran ji alîyê xwendin, nivîsandin, hesab û ramana rexneyî de.
- Amadekirina xwendekaran ji bo tevlîbûna refên fermî bêyî ku hest bi paşmayînê bikin.
- Pêşxistina bixwebawerîyê û handana li ser tevlêbûna nav civakê.
Giringîya Rêbaza ʺBʺ
Li gorî Remezan, girîngîya vê rêbazê di van xalan de ye:
- Xurtkirina dadmendîya perwerdeyê ji bo hemû zarokan.
- Nahêle kes nezan yan dervî sîstema xwendinê bimîne.
- Dihêle xwendekar xwe wek endamekî civakê bibîne û xwe jê dûr nexîne.
- Dabînkirina vegera bihêsanî li nav xwendina fermî.
- Rêyeke rastîn e ji bo fêrbûna berfireh û wekhev ji tevaya zarokan re.
Rêbaz ji bo xwendekarên ji 8 ta 15 salî ye, astên cuda yên refên perwerdeya bingehîn qebûl dike.
