Îro, Wezareta Perwerdê, bi hevkarîya UNESCOyê, komxebata dawî ya projeya “Pêşxistina Jîngehên Fêrbûnê yên Ewle û Gişgir” li Sûrîyê li dar xist. Ev komxebat, yek ji hewldanên pêşxistina jîngehên fêrbûnê yên ewle û gişgir temam dike.
Di komxebatê de, destkeftîyên projeyê û ezmûnên bicihkirina wê hatin destnîşankirin. Wekî din jî, pîvanên dibistanên ewle bi rêya pêşxistina birêvebirina dibistanan, asta mamosteyan û şêwazên perwerdeyê, her wiha handana beşdarîya civakê, hatin nirxandin.
Wezîrê Perwerdeyê Mihemed Ebdulrehman Tirko, tekez kir ku parastina zarokan ji tundûtîjî û cudakarîyê mafekî bingehîn e, û erkê dewlet û dibistanan e. Her weha destnîşan kir ku ev destpêşxerî piştgirîyê dide mafê perwerdeya baş û li gorî armancên geşepêdana domdar.
