Şam-SANA
Îro li sernaserê Sûrîyê ji xwendekaran zengila dersa ewil lê da. Li gorî agahîyên ku hatine wergirtin li Sûriyeyê îro sibê, zêdetirî 4 milyon xwendekar ji astên perwerdehiyê yên cûrbecûr ji bo destpêkirina sala xwendinê ya 2025-2026an ber bi dibistanên xwe ve çûn. Ew ê zêdetirî 4 milyon xwendekar teqrîben li 12 hezar dibistanên li parêzgehên cuda perwerde bibînin.
Derbarê mijarê de ji teref Ofîsa medyayê ya Wezareta Perwerdehiyê ve ji bo peyamnêrê SANAyê hat gotin ku hejmara giştî ya xwendekaran gihîştiye 4 milyon û 200 hezar xwendekaran ku ew ji astên perwerdehiyê yên cûrbecûr in û ew ê ev xwendekar li bajêr û navçeyên cuda li 12 hezar mekteban perwerdehîyê bibînin.
Ofîsê di berdewama daxuyanîya xwe de destnîşan kir ku rêveberiyên perwerdehiyê yên li parêzgehan amadekariyên xwe ji bo pêşwazîkirina xwendekaran temam kirine. Karên lênêrînê yên giştî li dibistanan, maseyên polan, kaniyên vexwarinê û tesîsên paqijiyê çend amadehî ne ku ji teref rêveberîyên perwerdehîyê ji bo heyama nû ya xwendinê hatine kirin. Wan her wiha kampanyayên sterilîzekirinê yên berfireh pêk anîn da ku hawîrdorek dibistanê ya saxlem û ewle peyda bikin.
Li gorî agahîyên ku hatine wergirtin ev tedbîr beşek ji pabendbûna Wezaretê ne ku bi hevkariya karmendên perwerdehî û rêveberiyê yên li hemî parêzgehan hatine kirin. Ev amadehî ji bo misogerkirina pêdiviyên perwerdehiyê yên pêwîst û misogerkirina destpêkek xweş û birêkûpêk a sala xwendinê hatin kirin.
Derbarê mijarê de Rêveberê Perwerdehiyê yê Parêzgeha Şamê Eymen Yasîn, di dema serdana hejmarek dibistanên li Şamê de ji SANAyê re daxuyanîyek da. Yasîn piştrast kir ku bi destpêkirina sala nû ya xwendinê ya yekem ji rizgarkirinê ve hejmara xwendekarên li parêzgehê gihîştiye nêzîkî 250 hezaran ku ev xwendekar li 712 dibistanan hatine belavkirin.
Yasîn di berdewama daxuyanîya xwe de îfade kir ku xebat tên kirin da ku dibistan ji bo pêşwazîkirina xwendekaran û belavkirina karmendên îdarî û hînkirinê ji bo misogerkirina hawîrdorek perwerdehiyê ya guncaw û bibandor bên amadekirin.
Bushra Elîya Rêvebera Dibistana “Nahla Zidan” jî derbarê mijarê de diyar kir ku dibistan îro sibê pêşwaziya xwendekarên xwe kir, û ji bo ku destpêkek rêkûpêk a semesterê were misogerkirin, kitêb û planên dersan li mamosteyan hatin belavkirin.
Mamoste Rayan Nasrî jî piştrast kir ku roja yekem a sala xwendinê; ji xwendekaran re kitêb hatine belavkirin, di warê bikaranîna avê û meseleya paqijîyê de ji wan re ders hatine dayîn da ku xwendekar baldar ben.
Nasrî di berdewama daxuyanîya xwe de destnîşan kir ku bandora yekem a xwendekarên pola yekem bi giranî bi mamosteyên wan ve girêdayî ye, ji ber vê yekê pêşwazîkirina xwendekaran bi kêf û şahî armanc dike ku wan bextewar bike û hezkirina wan ji bo dibistana wan xurt û qewî bike.
Ebdil Cebbar El-Rehhalê Serokê Beşa Plankirin û Îstatîstîkê li Rêveberiya Perwerdehiyê ya li parêzgeha Derayê, ji nûçegihanê SANAyê re derbarê heyama nû ya perwerdehîyê de got: “Îro bi destpêkirina sala nû ya xwendinê nêzîkî 332,461 xwendekarên qîz û law ji astên perwerdehiyê yên cûda berê xwe dan dibistanên xwe.” Wî her wili destnîşan kir ku xwendekar li seranserê 884 dibistanan li seranserê parêzgehê hatine belavkirin.
Bi destpêkirina sala nû ya xwendinê, xwendekarên Sûriyeyê niha û pêşeroja xwe bi reng û berdewamiyê dinivîsin. Ew çîroka neteweyek e ku li hember nezanînê xwe dispêre zanînê, li hember paşketinê xwe dispêre zanistê, û li hember nifşek nû ku ne tenê bi keviran, lê bi raman û aîdiyetê ji nû ve ava dike, şekil didin.
